Hana Doda, një vajzë, braktis fatin e saj të shërbëtores që u imponohet grave në malet e shkreta të Shqipërisë. Ajo strehoet në ligjin e vjetër të Kanunit dhe betohet për virgjërinë e saj të përjetshme duke u bërë kështu një “virgjëreshë betuar”. Ajo kthehet në burrë, merr një pushkë dhe bëhet Mark Doda. Në këmbim të kësaj sakrificë, Hanës i lejohet të jetë në të njëjtin nivel me burrat e tjerë. Beteja e saj do të thotë që ajo duhet të rebelohet jo vetëm kundër fatit që i ka përcaktuar trupin e saj për shekuj me radhë, por gjithashtu duhet të refuzojë, në emër të këtij rebelimi, çdo formë dashurie. Një refuzim që bëhet burgu i saj.
Pas më shumë se dhjetë viteve të kaluara në vetmi në male si burrë, ajo bëhet e zymtë dhe transformohet për t’i mbijetuar vështirësive, të ftohtit, mjerimit, derisa diçka të rikthehet ta zgjojë atë përsëri … Hana vendos të ndryshojë jetën dhe të rifitojë me kujdes trupin e saj. Ajo e di se largimi nga malet është çmimi që duhet të paguajë për të dalë në jetë. Një udhëtim larg vendit të saj të shkretë, një udhëtim për të riparë të kaluarën e saj që të ringjallë kujtimet dhe ndjenjat që ajo i ka varrosur në harresë. Pas një rruge që është një kalim i vazhdueshëm dhe delikat mes dy botëve të ndryshme larg njëra tjetrës, të së kaluarës dhe të së ardhmes. Në një metropol modern të Milanos, ajo përpiqet të lërë rrobat e burrit dhe të mëson të jetë grua. Ajo përjeton ndjenjën e egër të kontaktit fizik me të tjerët dhe gjen njerëz të dashur që jeta i kish larguar prej saj dhe i hap mundësinë e papritur dhe të ndaluar të dashurisë. Marku jo vetëm që rikthehet në Hana, por ajo është gjithashtu në gjendje të bashkojë dy shpirtrat që për vite kanë jetuar brenda trupit të saj dhe ajo rilindet si një e re, e lirë dhe e plotë.