Një tjetër lajm i gëzueshëm nga “Pikë Uji”!
Pas suksesit në festivale ndërkombëtare, filmi i regjisorit Robert Budina është përzgjedhur zyrtarisht në Montevideo World Film Festival në Uruguai. Ky festival prestigjioz mirëpret prodhime nga e gjithë bota dhe njihet për fokusin e tij në filma me ndikim artistik e social.

“Pikë Uji” vazhdon rrugëtimin e tij ndërkombëtar, duke udhëtuar këtë herë drejt Amerikës Latine, ku do të prezantohet për herë të parë për publikun e Uruguait. Një mundësi e jashtëzakonshme për t’i sjellë historitë dhe emocionet shqiptare përpara një audience të re dhe të pasionuar pas kinemasë.

Ekipi i filmit shprehet i lumtur për këtë përfshirje, duke e konsideruar atë një dëshmi të mëtejshme të ndikimit që filmi ka pasur në skenën ndërkombëtare.
Ky është një tjetër sukses për kinemanë shqiptare, që po ndërton gjithnjë e më shumë urë lidhëse me publikun botëror.

¡Bienvenidos Montevideo!
Kinemaja Art rron përjetë.