Një lajm i mrekullueshëm nga Madridi!
Aktorja e talentuar Gresa Pallaska është shpallur fituese e çmimit “Aktorja më e Mirë” në ImagineIndia Film Festival, falë interpretimit të jashtëzakonshëm në filmin “Pikë Uji”, me regji nga Robert Budina.

Ky është një vlerësim i rëndësishëm jo vetëm për Gresën, por edhe për kinematografinë shqiptare, duke e pozicionuar filmin “Pikë Uji” mes krijimeve të spikatura të vitit. Roli i saj i ndjerë dhe i fuqishëm ka prekur jurinë dhe publikun, duke e bërë një interpretim të paharrueshëm.

Ekipi i filmit “Pikë Uji” është krenar që ka pasur mundësinë të punojë me një artiste të nivelit të Gresa Pallaskës. Ky sukses dëshmon profesionalizmin, përkushtimin dhe talentin e saj të jashtëzakonshëm.

Faleminderit Gresa që e shndërrove “Pikë Uji” në një dritë të fortë në skenën ndërkombëtare të kinemasë. Na bëre të gjithëve krenarë!