Kryeministri Albin Kurti vlerëson filmin “Pikë Uji / Waterdrop”: “Një dramë e thellë sociale që zgjeron ndjeshmërinë publike”

Filmi “Pikë Uji / Waterdrop”, me regji të Robert Budinës dhe skenar nga vetë regjisori në bashkëpunim me Doruntina Bashën e Ajola Dajën, ka marrë një vlerësim të veçantë nga Kryeministri i Kosovës, Albin Kurti. Përmes një postimi në rrjetet sociale, Kurti ndau përshtypjet e tij mbi veprën, duke e cilësuar si një dramë të errët sociale që pasqyron realitetin me një ndjeshmëri të rrallë.

Në fjalët e tij, Kurti theksoi se filmi ndërton një tabllo të thellë emocionale përmes rrëfimit të krimit dhe dëshpërimit, duke vënë në pah ndikimin e sundimit politik e klasor mbi jetën e qytetarëve. “’Pikë Uji’ është film mbi atë që kot e dimë, përserisa akoma duhet ta kuptojmë,” shkroi ai, duke shtuar se dalja e filmit në ekranin e madh zgjeron ndjeshmërinë publike dhe e kthen artin në një mjet reflektimi shoqëror.