Besniku është një bari i vetmuar dhe musulman i devotshëm, i pafat në dashuri. Ai është biri i një nëne katolike, dhe i një babai ish komunist, për të cilin kujdeset në një fshat mes malesh në Veri të Shqipërisë. Atje lart, katolikët dhe musulmanët kanë gjetur mënyrën se si të jetojnë në paqe mes tyre. Madje edhe pas zbulmit që xhamia e vjetër e fshatit ka qënë dikur kishë e cila është ndarë mes dy feve në të kaluarën e largët, qetësia e jetës së përditshme mes dy komuniteteve vazhdon, me ndihmën e paçmuar të Besnikut. Vdekja e babait sjell ndryshime të mëdha që vënë në rrezik ekuilibrin në familjen me besime të ndryshme fetare të Besnikut, ndaj ai detyrohet të marrë një vendim të rëndësishëm për jetën e tij.