ERAFILM është një shtëpi filmike e vendosur në Tiranë, Shqipëri, e krijuar në vitin 2001 nga Sabina Kodra dhe Robert Budina.

Qëllimi kryesor i themelimit të ERAFILM ishte prodhimi i filmave të pavarur artistikë, me risi stilistikore, dhe zbulimi i talenteve të reja në kinemanë shqiptare.

Që në bashkëprodhimin e parë me Italinë filmi “Letra ere” i regjisorit Edmond Budina fitoi çmimin e cilësisë për vitin 2003, si një nga filmat më të mirë të atij viti në Itali.

Filmat e metrazhit të shkurtër, e metrazhit të gjatë dhe dokumentarët e prodhuar dhe bashkëprodhuar në vitet që pasuan nga ERAFILM, ”Luleborë”, ”Ballkan Pazar”, ”Agon”, ”Bota”, ”Made in Albania”, ”Mëngë këmishe” u përzgjodhën në festivale të shumtë anembanë botës si, Karlovy Vary, Pula, Reykjavik, Shanghai, Saint Peterburg, Palm Springs, Chicago etj, duke fituar më shumë se 30 çmime të ndryshme ndërkombëtare.

Në vitet respektive 2014, 2015 filmat ”Agon” me regji të Robert Budinës dhe ”Bota” me regji të Iris Elezi & Thomas Logoreci u përzgjodhën si kandidatët shqiptarë në garën për çmimet Oscars.

Për të mbërritur tek bashkëprodhimi i viti 2015 i filmit ”Burrnesha” me regji të Laura Bispuri, i cili u përzgjodh në garën zyrtare të Berlinales së atij viti.

Ky film arriti të fitonte më shumë se 20 çmime të ndryshme ndërkombëtare në festivale të rëndësishëm si Tribeca, Hong Kong, Sant Francisco, Afi Fest në Los Angeles, etj..

Filmi i dytë artistik i Robert Budinës, “Streha mes reve” pati premierën botërore në Festivalin e Filmit Tallinn Black Nights në Estoni, në Garën Zyrtare në Nëntor 2018.

Filmi mori pjesë në më shumë se 20 festivale të tjera në mbarë botën dhe mori çmime si, Çmimi Global Visual në Cinequest Film & Creativity Film Festival në San Jose, SHBA; Filmi më i mirë në Festivalin Ndërkombëtar të Filmit La Valletta, Maltë; Filmi më i Mirë, Aktori më i Mirë, Aktorja më e Mirë në PriFilmFest, Kosovë, Muzika më e mirë dhe Miksi i tingullit në Festivalin e Filmit Mesdhetar Valencia, Spanjë.

Filmi u shfaq në kinematë në Shqipëri me rreth 5.000 bileta të shitura, Gjermani me rreth 20.000, në Austri, Kinë dhe u transmetua në Digitalb, Shqipëri, TV Kombëtar Shqiptar RTSH dhe HBO.
Seriali “KATRORI I PUSHTETIT”, me skenar dhe regji nga Robert Budina në vitin 2021, u transmetua në televizionin më të madh kombëtar shqiptar KLAN, me një audiencë mesatare prej 35%.

Aktualisht, ERAFILM është në fazën e postproduksionit të filmit të tretë artistik të Robert Budinës, “WATERDROP” dhe në fazën e financimit të filmit bashkëprodhues “FIRES” të regjisorit malazez Nikola Ljuca.
ERAFILM po zhvillon edhe tre filma artistikë me shkrimtarë dhe regjisorë premtues, si: “Bërë prej pluhuri” nga Ajola Daja, “Ne të tre” nga Suela Bako dhe “Mirëseerdhe në shtëpi” nga Odeta Çunaj. Këta kineaste përfaqësojnë valën e ardhshme të talenteve krijuese të filmit në Shqipëri dhe i kanë konceptuar projektet e tyre me këndvështrime vizualisht specifike dhe shumë karakteristike.

ERAFILM i jep përparësi zvogëlimit të pabarazisë në punën e tyre përmes filmografisë që fokusohet në përmbajtje dhe prodhim me cilësi të lartë, në zhvillimin e artistëve si liderë dhe duke lidhur tregimtarët me komunitetin duke përforcuar mesazhin e tyre dhe duke zgjeruar ndikimin e tyre.

Prodhimet e mëparshme kanë demonstruar një përkushtim ndaj ekuilibrit gjinor duke përfshirë gratë dhe vajzat si 50% të ekipit artistik dhe teknik, duke kontribuar në rritjen e përfaqësimit të grave në industrinë audio-vizuale në Ballkanin Perëndimor, Evropë dhe më gjerë.

Me një eksperiencë 23 vjeçare në prodhimin dhe zhvillimin e filmit, ERAFILM është aktualisht një nga kompanitë filmike më me përvojë në Shqipëri.