Blerim Zani një politikan i rëndësishëm ndërron jetë në mënyrë misterioze. Albert Vela koka e krimit të organizuar në Shqipëri lirohet nga burgu. Disa banorë pranë liqenit po nxirren nga shtëpitë e tyre sepse bashkia ka një plan për të ndërtuar aty,Tiranën e 50 viteve të ardhshme. Elva, Gentiana dhe Nina vihen në kërkim për të zbuluar çfarë fshihet pas këtyre ngjarjeve.

Elva zbulon se Blerimi ka ndërruar jetë, si rezultat i një arresti kardiak të shkaktuar nga përdorimi i viagrës. 

Ylli bashkëshorti i Gentianës, pushohet nga puna, pasi ajo publikon në televizionin ku punon, shkeljet e bashkisë për projektin e liqenit.

Pas intervistës që Nina bën me Albert Velën, zbulon se ai është pronari i pjesës më të madhe të tokave të liqenit, ku bashkia kërkon të ndërtojë projektin e saj.

Elvës i bëhet atentat, pasi ajo publikon në televizionin ku punon provat se Blerimi mund të jetë helmuar.

Elva, Gentiana dhe Nina zbulojnë se projekti i bashkisë PARKU I DREJTËSISË, është i njejti projekt që Blerimi dhe Kristaqi donin të realizonin dikur, i cili në atë kohë quhej OAZI I SË ARDHMES.

Kristaqit i bëhet atentat, por policia e shtetit deklaron se ai nuk ka qënë i pranishëm në vendgjarje.

Elva, Gentiana dhe Nina zbulojnë se pas projektit të liqenit PARKU I DREJTËSISË fshihet një korrupsion gjigand ku janë përfshirë, Politika, Krimi dhe Biznesi. Një vendim i vështirë i pret.