SINOPSIS I FILMIT SERIAL
Ditën që Blerimi, një politikan i njohur 50-vjeçar, humb jetën, një nga kokat e krimit të organizuar në vend, Bert Vela, 35 vjeç lirohet nga burgu. Në të njëjtën kohë disa banorë nxirren me dhunë nga shtëpitë e tyre, në një lagje në afërsi të Parkut të Madh të Liqenit në Tiranë, me motivin se në atë truall pushteti vendor ka vendosur të ndërtojë një projekt të madh zhvillimi, që do të pasqyrojë vizionin e “kryeqytetit të pesëdhjetë viteve të ardhshme”. Elva, tek të pesëdhjetat, Gentiana, 35 vjeç dhe Nina 25 vjeç tre gazetare të një televizioni informativ, për të gjetur fillin që bën bashkë të gjitha këto ngjarje, do të ekspozohen, secila në formën e vet me pasoja të rrezikshme për shkak të profesionit të tyre. Jetët e tyre kalojnë në përplasje të forta, jo vetëm në karrierë por edhe në familje. Ato çdo ditë duhet të përballen me sfida që burojnë nga mungesa e stabilitetit financiar, por edhe të statusit që i mbron nga përplasjet me interesat e mëdha të Biznesit, Politikës dhe Krimit, që fshihen pas këtyre ngjarjeve.